1 Mga Hari 18:9-11

Magandang Balita Biblia

⁹ Ganito naman ang sagot ni Obadias: “Ano pong kasalanan ang nagawa ko sa inyo at gusto ninyo akong mapatay ni Ahab? ¹⁰ Saksi si Yahweh, ang inyong buháy na Diyos,^[a] hinahanap kayo ni Haring Ahab sa bawat bansa sa daigdig. At kapag may nagsabing wala kayo roon, ayaw niyang maniwala hangga't hindi sila nanunumpa na kayo'y talagang hindi nila nakita. ¹¹ At ngayo'y pinapapunta ninyo ako sa kanya para sabihing narito kayo?