1 Mga Hari 2:35-37

Ang Biblia (1978)

³⁵ At inilagay ng hari si Benaia na anak ni Joiada na kahalili niya sa hukbo: at si Sadoc na saserdote ay ^(A)inilagay ng hari ^(B)na kahalili ni Abiathar.

Si Semei ay hindi na pinaalis sa Jerusalem.

³⁶ At ang hari ay nagsugo at ipinatawag si Semei, at ^(C)sinabi sa kaniya, Magtayo ka ng isang bahay sa Jerusalem, at tumahan ka roon, at huwag kang pumaroon saan man na mula roon.

³⁷ Sapagka't sa araw na ikaw ay lumabas, at tumawid sa batis ng Cedron, ^(D)talastasin mong mainam, na ikaw ay walang pagsalang mamamatay: ang iyong dugo ay sasa iyong sariling ^(E)ulo.