1 Mga Hari 21:2-4

Ang Biblia (1978)

² At sinalita ni Achab kay Naboth, na sinabi, ^(A)Ibigay mo sa akin ang iyong ubasan, upang aking tangkilikin na pinaka halamanang pananim, sapagka't malapit sa aking bahay; at aking ipapalit sa iyo na kahalili niyaon ang isang mainam na ubasan kay sa roon; o kung inaakala mong mabuti, aking ibibigay sa iyo ang halaga niyaon na salapi.

³ At sinabi ni Naboth kay Achab, Huwag itulot ng Panginoon sa akin, na ^(B)aking ibigay ang mana sa aking mga magulang sa iyo.

⁴ At pumasok si Achab sa kaniyang bahay na yamot at lunos dahil sa salita na sinalita ni Naboth na Jezreelita sa kaniya: sapagka't kaniyang sinabi, Hindi ko ibibigay sa iyo ang mana sa aking mga magulang. At siya'y nahiga sa kaniyang higaan, at ipinihit ang kaniyang mukha, at ayaw kumain ng tinapay.