1 Mga Hari 7:28-30

Magandang Balita Biblia (with Deuterocanon)

²⁸ Ang mga ito ay ginawang parisukat na dingding na nakahinang sa mga balangkas. ²⁹ Ang bawat dingding ay may mga nakaukit na larawan ng leon, baka, at kerubin. Ang mga gilid naman ng balangkas sa itaas at ibaba ng leon at baka ay may mga nakaukit na palamuting bulaklak na hugis korona. ³⁰ Ang bawat patungan ay may apat na gulong na tanso at mga eheng tanso. Sa apat na sulok ng patungan ay may apat na tukod na tanso na siyang patungan ng hugasan.