1 Mga Hari 7:49-51

Ang Biblia (1978)

⁴⁹ At ang mga kandelero na taganas na ginto na lima sa dakong kanan, at lima sa kaliwa sa harap ng sanggunian; ^(A)at ang mga bulaklak, at ang mga ilawan, at mga pangipit na ginto;

⁵⁰ At ang mga ^(B)saro, at ang mga panggupit ng micha, at ang mga mangkok, at ang mga panandok, at ang mga ^(C)suuban, na taganas na ginto; at ang mga pihitang ginto maging ang sa mga pinto ng bahay sa loob, na kabanalbanalang ^(D)dako, at ang sa mga pinto ng bahay, sa makatuwid baga'y ng templo.

⁵¹ Ganito nayari ang buong gawa ng haring Salomon na ginawa sa bahay ng Panginoon. At ipinasok ni Salomon ang mga bagay na itinalaga ni David na kaniyang ama, ang ^(E)pilak at ang ginto, at ang mga kasangkapan, at ipinasok sa mga silid ng kayamanan ng bahay ng Panginoon.