1 Samuel 12:13-15

Magandang Balita Biblia (with Deuterocanon)

¹³ “Narito ngayon ang haring hiningi ninyo, ibinigay na sa inyo ni Yahweh. ¹⁴ Kung mamumuhay kayong may takot kay Yahweh, kung maglilingkod kayo sa kanya at susundin ang kanyang kalooban, kung hindi kayo susuway sa kanyang mga utos, at kung kayo at ang inyong hari ay susunod kay Yahweh na inyong Diyos, magiging maayos ang inyong pamumuhay. ¹⁵ Ngunit kapag hindi kayo sumunod sa kanya, sa halip ay lumabag sa kanyang utos, paparusahan niya kayo.