1 Samuel 14:37-39

Magandang Balita Biblia (with Deuterocanon)

³⁷ Sumangguni nga si Saul sa Diyos, “Lulusubin na po ba namin ang mga Filisteo? Pagtatagumpayin po ba ninyo kami?” Ngunit hindi siya sinagot ng Diyos. ³⁸ Kaya't sinabi niya, “Magsama-sama ang lahat ng pinuno ng Israel para malaman natin kung sino ang nagkasala. ³⁹ Sinuman siya ay tiyak na papatayin kahit na ang anak kong si Jonatan. Saksi si Yahweh, ang Diyos na buháy^[a] at tagapagligtas ng Israel.” Walang umimik isa man sa mga Israelita.