1 Samuel 16:17-19

Ang Biblia (1978)

¹⁷ At sinabi ni Saul sa kaniyang mga bataan, Ipaghanda ninyo ako ngayon ng isang lalake na makatutugtog na mabuti, at dalhin ninyo sa akin siya.

¹⁸ Nang magkagayo'y sumagot ang isa sa mga bataan, at nagsabi, Narito, aking nakita ang isang anak ni Isai na Beth-lehemita, na bihasa sa panunugtog, ^(A)at makapangyarihang lalake na may tapang, at lalaking mangdidigma, at matalino sa pananalita, at makisig na lalake, ^(B)at ang Panginoon ay sumasa kaniya.

¹⁹ Kaya't nagsugo si Saul ng mga sugo kay Isai, at sinabi, ^(C)Suguin mo sa akin si David na iyong anak, na nasa kawan ng mga tupa.