1 Samuel 17:22-24

Ang Biblia (1978)

²² At iniwan ni David ang kaniyang daladalahan sa kamay ng tagapagingat ng ^(A)daladalahan, at tumakbo sa hukbo, at naparoon, at bumati sa kaniyang mga kapatid.

²³ At sa kaniyang pakikipagusap sa kanila, narito, dumating ^(B)ang bayani, ang Filisteo na taga Gath, na Goliath ang pangalan, mula sa hanay ng mga Filisteo, ^(C)at nagsalita ng ayon sa mga gayon ding salita: at narinig ni David.

²⁴ At lahat ng mga lalake sa Israel pagkakita sa lalaking yaon ay tumakas mula sa kaniyang harapan, at natakot na mainam.