1 Samuel 18:28-30

Magandang Balita Biblia (with Deuterocanon)

²⁸ Lalong naniwala si Saul na si David ay pinapatnubayan ni Yahweh at nakita niya kung gaano ito kamahal ng anak niyang si Mical. ²⁹ Kaya't lalong natakot si Saul kay David. Mula noon, itinuring na niya itong kaaway.

³⁰ Si David ay nagtatagumpay tuwing makikipaglaban sa mga Filisteo. At sa lahat ng tauhan ni Saul, siya ang nagkamit ng pinakamaraming tagumpay. Kaya, lalo siyang napatanyag.