1 Samuel 23:4-6

Magandang Balita Biblia (with Deuterocanon)

⁴ Kaya't muling sumangguni si David kay Yahweh.

Ang sagot naman sa kanya, “Pumunta kayo sa Keila at pagtatagumpayin ko kayo laban sa mga Filisteo.” ⁵ Kaya't nagpunta si David at ang kanyang mga tauhan sa Keila at nilabanan ang mga Filisteo. Marami silang napatay sa mga ito; sinamsam nila ang mga kawan at nailigtas ni David ang bayan ng Keila.

⁶ Nang si Abiatar ay tumakas at magpunta kay David sa Keila, dala niya ang efod.