1 Samuel 25:14-16

Magandang Balita Biblia (with Deuterocanon)

¹⁴ Sinabi ng isang pastol kay Abigail, “Si David po ay nagpadala ng sugo sa inyong asawa at magalang na nakipag-usap ngunit sila'y ininsulto ng inyong asawa. ¹⁵ Mababait ang mga taong iyon. Tinulungan nila kami at wala silang kinuhang anuman sa amin sa buong panahong kasama namin sila sa parang. ¹⁶ Binantayan po nila kami araw-gabi sa aming pagpapastol.