1 Samuel 30:16-18

Magandang Balita Biblia

¹⁶ Itinuro nga ng alipin ang kampo ng mga Amalekita. Nakita nina David na kalat-kalat ang mga ito. Sila'y masasayang nagkakainan, nag-iinuman at nagsasayawan. Nagpapasasa sila sa kanilang mga samsam sa Filistia at Juda. ¹⁷ Kinaumagahan, lumusob sina David at pinagpapatay ang mga Amalekita hanggang gabi. Wala silang itinirang buháy maliban sa apatnaraang kabataan na nakatakas na sakay ng kanilang mga kamelyo. ¹⁸ Nabawi nila ang lahat ng sinamsam ng mga Amalekita, pati ang dalawang asawa ni David.