1 Samuel 7:10-12

Ang Biblia (1978)

¹⁰ At samantalang si Samuel ay naghahandog ng handog na susunugin, ay lumapit ang mga Filisteo upang makipagbaka laban sa Israel; ^(A)nguni't ang Panginoon ay nagpakulog ng isang malakas na kulog nang araw na yaon sa mga Filisteo, at nilito sila; at ^(B)sila'y nangabuwal sa harap ng Israel.

¹¹ At ang mga lalake sa Israel ay nagsilabas sa Mizpa, at hinabol ang mga Filisteo, at sinaktan sila, hanggang sa nagsidating sila sa Beth-car.

¹² Nang magkagayo'y kumuha si Samuel ng ^(C)isang bato, at inilagay sa pagitan ng Mizpa at ng Sen, at tinawag ang pangalan niyaon na Ebenezer,^[a] na sinasabi, Hanggang dito'y tinulungan tayo ng Panginoon.