1 Tesalonisyen 2:10-12

Nouvo Testaman: Vèsyon Kreyòl Fasil

¹⁰ Ou menm moun Tesalonik, ou ka temwanye lè nou te lakay ou, nou te mennen lavi nou yon fason ki sen, ki dwat, epi san repwòch. Bondye temwen sa n ap di la a. ¹¹ Sonje jan nou te sèvi ak tout moun tankou papa ak pwòp pitit li, youn apre lòt. ¹² Nou te toujou ankouraje ou, epi konsole ou. Nou toujou egzòte ou pou mennen lavi ou yon fason ki pa fè Bondye wont. Sonje Bondye chwazi nou pou nou fè pati wayòm li an, epi pataje onè li.