1 Timoteo 4:7-9

Ang Salita ng Dios (Tagalog Contemporary Bible)

⁷ Huwag mong pag-aksayahan ng panahon ang mga walang kabuluhang alamat na sabi-sabi lang ng matatanda. Sa halip, sanayin mo sa kabanalan ang sarili mo. ⁸ Sapagkat kung may mabuting naidudulot ang pagsasanay natin sa katawan, may mas mabuting maidudulot ang pagsasanay sa kabanalan sa lahat ng bagay, hindi lang sa buhay na ito kundi maging sa buhay na darating. ⁹ Totoo ang kasabihang ito, at dapat tanggapin at paniwalaan ng lahat.