1 Corinto 11:27-34

Ang Biblia (1978)

^27 (A)Kaya't ang sinomang kumain ng tinapay, o uminom sa saro ng Panginoon, na di nararapat, ay magkakasala sa katawan at dugo ng Panginoon.

²⁸ Datapuwa't ^(B)siyasatin ng tao ang kaniyang sarili, at saka kumain ng tinapay, at uminom sa saro.

²⁹ Sapagka't ang kumakain at umiinom, ay kumakain at umiinom ng hatol sa kaniyang sarili, kung hindi niya kinikilala ang katawan ng Panginoon.

³⁰ Dahil dito'y marami sa inyo ang ^(C)mahihina at mga masasaktin, at hindi kakaunti ang ^(D)nangatutulog.

³¹ Datapuwa't kung ating kilalanin ang ating sarili, ay hindi tayo hahatulan.

³² Datapuwa't kung tayo'y hinahatulan, ay ^(E)pinarurusahan tayo ng Panginoon, upang huwag tayong mahatulang kasama ng sanglibutan.

³³ Dahil dito, mga kapatid ko, kung kayo'y mangagsasalosalo sa pagkain, ay mangaghintayan kayo.

^34 (F)Kung ang sinoman ay magutom, kumain siya sa bahay; upang ang inyong pagsasalosalo ay huwag maging sa paghatol. At ang iba ay aking ^(G)aayusin ^(H)pagpariyan ko.