1 Corinto 15:3-10

Magandang Balita Biblia

³ Sapagkat^(A) ibinigay ko sa inyo bilang pinakamahalaga sa lahat ang tinanggap ko rin: na si Cristo'y namatay dahil sa ating mga kasalanan, tulad ng sinasabi sa Kasulatan; ⁴ inilibing^(B) siya at muling nabuhay sa ikatlong araw, tulad din ng sinasabi sa Kasulatan; ⁵ at^(C) siya'y nagpakita kay Pedro, at saka sa Labindalawa. ⁶ Pagkatapos, nagpakita siya sa mahigit na limandaang kapatid na nagkakatipon. Marami sa kanila'y buháy pa hanggang ngayon, subalit patay na ang ilan. ⁷ At nagpakita rin siya kay Santiago at pagkatapos ay sa lahat ng mga apostol.

⁸ Sa^(D) kahuli-huliha'y nagpakita rin siya sa akin, kahit na ako'y tulad ng isang batang ipinanganak nang wala sa panahon. ⁹ Sapagkat^(E) ako ang pinakahamak sa mga apostol; ni hindi nga ako karapat-dapat tawaging isang apostol, sapagkat inusig ko ang iglesya ng Diyos. ¹⁰ Ngunit dahil sa kagandahang-loob niya, ako'y naging isang apostol, at hindi naman nawalan ng kabuluhan ang kaloob niyang ito sa akin. Katunayan, nagpagal ako nang higit kaysa sinuman sa kanila, subalit hindi ito dahil sa sarili kong kakayahan kundi dahil sa kagandahang-loob ng Diyos na nasa akin.