2 Corinto 10:8-10

Ang Salita ng Dios (Tagalog Contemporary Bible)

⁸ Kahit sabihing labis na ang pagmamalaki ko sa kapangyarihang ibinigay ng Panginoon sa akin, hindi ako nahihiya. Sapagkat ang kapangyarihang ito ay ginagamit ko sa pagpapalago sa inyong pananampalataya at hindi sa pagsira nito. ⁹ Ayaw kong isipin ninyo na tinatakot ko kayo sa aking mga sulat. ¹⁰ Sapagkat may mga nagsasabi riyan na matapang ako sa aking mga sulat, pero kapag harapan na ay mahina at nagsasalita ng walang kabuluhan.