2 Corinto 11:24-26

Magandang Balita Biblia

²⁴ Limang^(A) beses akong tumanggap ng tatlumpu't siyam na hagupit mula sa mga Judio; ²⁵ tatlong^(B) ulit kong naranasang hagupitin [ng mga Romano]^[a], at minsang pinagbabato. Tatlong beses kong naranasang mawasak ang barkong aking sinasakyan, at minsa'y buong araw at gabi akong lulutang-lutang sa dagat. ²⁶ Sa^(C) malimit kong paglalakbay, nalagay ako sa iba't ibang panganib: sa mga ilog, sa mga tulisan, sa aking mga kababayan at sa mga Hentil; mga panganib sa lungsod, sa ilang, sa dagat, sa mga huwad na kapatid.