2 Corinto 12:16-18

Ang Bagong Tipan: Filipino Standard Version

¹⁶ Hindi ako naging pasanin sa inyo. Ngunit ako raw ay tuso at nabitag ko kayo sa daya. ¹⁷ Nilinlang ko ba kayo sa pamamagitan ng mga taong sinugo ko sa inyo? ¹⁸ Pinakiusapan ko si Tito na pumunta riyan at sinugo ko siyang kasama ng isang kapatid. Pinagsamantalahan ba kayo ni Tito? Hindi ba't pareho lamang ang aming pag-iisip? Hindi ba't pareho lamang ang aming mga hakbang?