2 Corinto 5:9-11

Ang Salita ng Dios (Tagalog Contemporary Bible)

⁹ Kaya naman, sinisikap naming malugod ang Dios sa amin, maging dito man o sa piling na niya. ¹⁰ Sapagkat haharap tayong lahat kay Cristo para hatulan. Tatanggapin ng bawat isa ang nararapat na kabayaran sa kanyang mga ginawa, mabuti man o masama, nang nabubuhay pa siya sa mundong ito.

Nakabalik Tayo sa Dios Dahil kay Cristo

¹¹ Kaya nga, dahil may takot kami sa Panginoon, ginagawa namin ang lahat para mahikayat ang mga tao na manumbalik sa kanya. Alam ng Dios ang tunay naming pagkatao, at umaasa akong alam din ninyo ito.