2 Cronica 1:3-5

Ang Biblia (1978)

³ Sa gayo'y si Salomon, at ang buong kapisanan na kasama niya, ay naparoon sa ^(A)mataas na dako na nasa Gabaon; sapagka't nandoon ang tabernakulo ng kapisanan ng Dios, ^(B)na ginawa sa ilang ni Moises na lingkod ng Panginoon.

⁴ Nguni't ^(C)ang kaban ng Dios ay iniahon ni David mula sa ^(D)Chiriath-jearim hanggang sa dakong pinaghandaan ni David: sapagka't kaniyang ipinagtayo ng tolda sa Jerusalem.

⁵ Bukod dito'y ^(E)ang dambanang tanso na ginawa ni ^(F)Bezaleel na anak ni Uri, na anak ni Hur, ay nandoon sa harap ng tabernakulo ng Panginoon: at doo'y sumangguni si Salomon at ang buong kapisanan.