2 Cronica 20:17-19

Ang Biblia (1978)

¹⁷ Kayo'y hindi magkakailangan na makipaglaban sa pagbabakang ito: magsilagay kayo, ^(A)magsitayo kayong panatag, at tingnan ninyo ang pagliligtas, ng Panginoon na kasama ninyo, Oh Juda at Jerusalem: ^(B)huwag kayong mangatakot, o manganglupaypay man: bukas ay magsilabas kayo laban sa kanila; sapagka't ang Panginoon ay sumasa inyo.

¹⁸ At ^(C)itinungo ni Josaphat ang kaniyang ulo sa lupa: at ang buong Juda at ang mga taga Jerusalem ay nangagpatirapa sa harap ng Panginoon, na nagsisamba sa Panginoon.

¹⁹ At ang mga Levita, sa mga ^(D)anak ng mga Coathita at sa ^(E)mga anak ng mga Coraita; ay nagsitayo upang purihin ang Panginoon, ang Dios ng Israel, ng totoong malakas na tinig.