2 Cronica 23:16-18

Ang Biblia (1978)

Ang pagsamba kay Baal ay pinaram.

¹⁶ At si Joiada ay nakipagtipan sa kaniya, at sa buong bayan, at sa hari na sila'y magiging bayan ng Panginoon.

¹⁷ At ang buong bayan ay naparoon sa bahay ni Baal, at ibinagsak, at pinagputolputol ang kaniyang mga dambana at ang kaniyang mga larawan, at ^(A)pinatay si Mathan na saserdote ni Baal sa harap ng mga dambana.

¹⁸ At inihalal ni Joiada ang mga katungkulan sa bahay ng Panginoon, sa kapangyarihan ng kamay ng mga ^(B)saserdote na mga Levita, na siyang ^(C)binahagi ni David sa bahay ng Panginoon, upang maghandog ng mga handog na susunugin sa Panginoon, gaya ng nasusulat ^(D)sa kautusan ni Moises, na may pagkagalak, at may pagawit ayon sa ayos ni David.