2 Cronica 31:2-4

Ang Biblia (1978)

² At inihalal ni Ezechias ^(A)ang mga bahagi ng mga saserdote, at ng mga Levita ayon sa kanilang pagkakabahagi, bawa't lalake ay ayon sa kaniyang katungkulan, ang mga saserdote at gayon din ang mga Levita, ^(B)na ukol sa mga handog na susunugin at sa mga handog tungkol sa kapayapaan, upang magsipangasiwa, at upang mangagpasalamat, at upang mangagpuri sa mga pintuang-daan ng hantungan ng Panginoon.

³ Itinakda naman niya ang bahagi ng hari sa kaniyang pagaari na ukol sa mga handog na susunugin, sa makatuwid baga'y sa mga handog na susunugin ^(C)sa umaga at sa hapon, at ang mga handog na susunugin sa mga ^(D)sabbath, at sa mga ^(E)bagong buwan, at sa mga ^(F)takdang kapistahan, na gaya ng nakasulat sa kautusan ng Panginoon.

⁴ Bukod dito'y inutusan niya ang bayan na tumatahan sa Jerusalem, ^(G)na ibigay ang pagkain ng mga saserdote at ng mga Levita, ^(H)upang magsitalaga sa ^(I)kautusan ng Panginoon.