2 Cronica 33:22-24

Magandang Balita Biblia (with Deuterocanon)

²² Tulad ng kanyang amang si Manases, ginawa rin niya ang mga bagay na hindi kalugud-lugod kay Yahweh. Sumamba siya at naglingkod sa mga diyus-diyosang ginawa ng kanyang ama. ²³ Ngunit hindi tulad ng kanyang ama, hindi siya nagpakumbaba kay Yahweh. Mas malaki ang kanyang naging kasalanan kaysa sa kanyang ama. ²⁴ Nagsabwatan ang kanyang mga tauhan at pinatay siya ng mga ito sa loob ng palasyo.