2 Cronica 36:4-6

Magandang Balita Biblia

⁴ Ang^(A) ipinalit kay Jehoahaz bilang hari ng Juda ay ang kapatid nitong si Eliakim. Pinalitan ang kanyang pangalan na Jehoiakim. Si Jehoahaz naman ay dinala sa Egipto.

Si Haring Jehoiakim ng Juda^(B)

⁵ Dalawampu't^(C) limang taóng gulang si Jehoiakim nang maging hari at labing-isang taon siyang naghari sa Jerusalem. Ginawa niya ang mga bagay na hindi kalugud-lugod kay Yahweh. ⁶ Dumating^(D) si Nebucadnezar, binihag siya at nakakadenang dinala sa Babilonia.