2 Cronica 36:5-7

Magandang Balita Biblia

Si Haring Jehoiakim ng Juda^(A)

⁵ Dalawampu't^(B) limang taóng gulang si Jehoiakim nang maging hari at labing-isang taon siyang naghari sa Jerusalem. Ginawa niya ang mga bagay na hindi kalugud-lugod kay Yahweh. ⁶ Dumating^(C) si Nebucadnezar, binihag siya at nakakadenang dinala sa Babilonia. ⁷ Kinuha ni Nebucadnezar ang mga kagamitan sa Templo ni Yahweh at inilipat sa kanyang palasyo sa Babilonia.