2 Hari 5:4-6

Ang Salita ng Dios (Tagalog Contemporary Bible)

⁴ Pumunta si Naaman sa hari at sinabi niya ang sinabi ng dalagita na mula sa Israel. ⁵ Sinabi ng hari ng Aram, “Lumakad ka, dalhin mo ang sulat ko sa hari ng Israel.” Kaya umalis si Naaman na may dalang regalo na 350 kilong pilak, 70 kilong ginto at sampung pirasong damit. ⁶ Ito ang mensahe ng sulat na dinala niya sa hari: Ipinadala ko sa iyo si Naaman na aking lingkod para pagalingin mo ang sakit niya sa balat.