2 Jan 7-9

Nouvo Testaman: Vèsyon Kreyòl Fasil

⁷ Paske genyen anpil fo doktè toupatou nan mond lan ki pa aksepte kwè Jezi te vini sou latè tankou yon moun toutbon vre. Enben, se moun konsa yo k ap twonpe moun epi ki lènmi kris la. ⁸ Veye kò nou pou n pa pèdi rekonpans nou^[a] te travay pou li a. An n fè sèten nou resevwa tout salè nou.

⁹ Nenpòt moun ki pa obeyi kòmandman Kris la, ki ale pi lwen, moun konsa pa gen kominyon ak Bondye. Moun ki rete nan ansèyman Kris la, moun sa a gen kominyon ak Papa a ansanm ak Pitit la.