2 Korentyen 3:2-4

Nouvo Testaman: Vèsyon Kreyòl Fasil

² Non, se ou menm ki lèt nou. Se yon lèt ki ekri nan kè nou. Tout moun konnen l, tout moun kapab li l. ³ Wi, ou montre ou se yon lèt Kris la ekri li menm epi li voye l pa mwayen nou menm. Lèt sa a pa ekri ak lank, men se avèk Lespri Bondye vivan an. Li pa ekri sou tablèt wòch,^[a] men li ekri nan kè moun.

⁴ Nou pale konsa, devan Bondye, poutèt konfyans nou genyen, pa mwayen Kris la.