2 Korentyen 5:2-4

Nouvo Testaman: Vèsyon Kreyòl Fasil

² Konsa, pandan nou nan tant sa a, n ap soupire. Dezi kè nou se pou nou al abite nan kay nou ki nan syèl la. ³ Nouvo kò a ap tankou yon rad nèf nou mete sou nou. Konsa nou p ap toutouni. ⁴ Pandan n ap viv nan tant sa a, nou gen gwo fado epi se plenn n ap plenn. Sa pa vle di nou vle retire tant sa a voye jete, men nou ta vle mete rad abitasyon selès la sou tant sa a. Lè sa a, kò sa a k ap mouri a pral vin kouvri ak lavi.