2 Mga Hari 14:10-12

Ang Biblia (1978)

¹⁰ Iyong tunay na sinaktan ang Edom, at pinapagmataas ka ng ^(A)iyong puso: lumuwalhati ka nawa, at tumahan sa bahay: sapagka't bakit ka nakikialam sa ikasasama, upang ikaw ay mabuwal, ikaw, at ang Juda na kasama mo?

Ang pakikidigma ni Amasias sa Israel—pinatay ng mga manghihimagsik.

¹¹ Nguni't hindi dininig ni Amasias. Sa gayo'y umahon si Joas na hari sa Israel; at siya, at si Amasias na hari sa Juda ay nagtitigan sa ^(B)Beth-semes, na ukol sa Juda.

¹² At ang Juda ay napariwara sa harap ng Israel; at ^(C)sila'y tumakas bawa't isa sa kaniyang tolda.