2 Mga Hari 14:26-28

Ang Biblia (1978)

²⁶ Sapagka't ^(A)nakita ng Panginoon ang kapighatian ng Israel, na totoong masaklap: ^(B)sapagka't walang nakulong o naiwan sa kaluwangan man, o sinomang tumulong sa Israel.

²⁷ At hindi sinabi ng Panginoon na kaniyang papawiin ang pangalan ng Israel mula sa silong ng langit, kundi iniligtas nila siya sa pamamagitan ng kamay ni Jeroboam na anak ni Joas.

²⁸ Ang iba nga sa mga gawa ni Jeroboam, at ang lahat na kaniyang ginawa, at ang kaniyang kapangyarihan, kung paanong siya'y nakipagdigma, at kung paanong binawi niya para sa Israel ang ^(C)Damasco at ang Hamath, na nangaukol sa Juda, di ba nangasusulat sa aklat ng mga alaala sa mga hari sa Israel?