2 Mga Hari 15:10-12

Magandang Balita Biblia (with Deuterocanon)

¹⁰ Si Sallum na anak ni Jabes ay nakipagsabwatan laban kay Zacarias. Pinatay niya ito sa Ibleam^[a] at siya ang pumalit bilang hari ng Israel.

¹¹ Ang mga ginawa ni Zacarias ay nakasulat sa Kasaysayan ng mga Hari ng Israel. ¹² Natupad^(A) ang pangako ni Yahweh kay Jehu nang sabihin niya, “Ang mga anak mo hanggang sa ikaapat na salinlahi ang maghahari sa Israel.”