2 Mga Hari 19:34-36

Magandang Balita Biblia

³⁴ Ipagtatanggol ko at ililigtas ang lunsod na ito alang-alang sa aking karangalan at alang-alang sa aking pangako kay David na aking lingkod.”

³⁵ Nang gabing iyon, pinasok ng anghel ni Yahweh ang kampo ng mga taga-Asiria at 185,000 kawal ang pinatay nito. Kinabukasan, nang bumangon ang mga hindi napatay, nakita nilang naghambalang ang mga bangkay. ³⁶ Kaya nagmamadaling umuwi sa Nineve si Haring Senaquerib.