2 Mga Hari 2:12-14

Magandang Balita Biblia (with Deuterocanon)

¹² Kitang-kita^(A) ito ni Eliseo, kaya't napasigaw siya: “Ama ko! Ama ko! Magiting na tagapagtanggol ng Israel!” At nawala na sa paningin niya si Elias.

Pinalitan ni Eliseo si Elias

Sa tindi ng kalungkutan, pinunit ni Eliseo ang kanyang damit mula itaas hanggang sa laylayan. ¹³ Dinampot niya ang nalaglag na balabal ni Elias at bumalik sa pampang ng Ilog Jordan. ¹⁴ Hinawakan niya sa isang dulo ang balabal at inihampas sa tubig sabay sabi, “Nasaan si Yahweh, ang Diyos ni Elias?” Nahawi ang tubig at siya'y tumawid.