2 Mga Hari 2:13-15

Magandang Balita Biblia (with Deuterocanon)

¹³ Dinampot niya ang nalaglag na balabal ni Elias at bumalik sa pampang ng Ilog Jordan. ¹⁴ Hinawakan niya sa isang dulo ang balabal at inihampas sa tubig sabay sabi, “Nasaan si Yahweh, ang Diyos ni Elias?” Nahawi ang tubig at siya'y tumawid.

¹⁵ Nang makita ito ng mga propetang taga-Jerico na nakatanaw sa di-kalayuan, sinabi nila, “Sumasakanya ang kapangyarihan ni Elias.” Siya'y sinalubong nila at buong paggalang na niyukuran.