2 Mga Hari 21:12-14

Magandang Balita Biblia (with Deuterocanon)

¹² paparusahan ko nang matindi ang Juda at ang Jerusalem. Mababalitaan ito ng mga iba at sila'y kikilabutan. ¹³ Paparusahan ko ang Jerusalem tulad ng ginawa ko sa Samaria at sa sambahayan ni Ahab. Aalisin ko ang mga tao sa Jerusalem tulad ng paglilinis sa pinggan. Pupunasan ko ito at pagkatapos ay itataob. ¹⁴ Itatakwil ko ang matitirang buháy sa kanila at ipapasakop sa kanilang mga kaaway.