2 Mga Hari 4:29-31

Ang Biblia (1978)

²⁹ Nang magkagayo'y sinabi niya kay Giezi, ^(A)Bigkisan mo ang iyong mga balakang, at tangnan mo ang aking tungkod sa iyong kamay, at yumaon ka ng iyong lakad: kung ikaw ay makasasalubong ng sinomang tao, ^(B)huwag mo siyang batiin; at kung ang sinoman ay bumati sa iyo, huwag mo siyang sagutin: at ^(C)ipatong mo ang aking tungkod sa mukha ng bata.

³⁰ At sinabi ng ina ng bata, ^(D)Buháy ang Panginoon, at buháy ang iyong kaluluwa, hindi kita iiwan. At siya'y tumindig, at sumunod sa kaniya.

³¹ At si Giezi ay nagpauna sa kanila, at ipinatong ang tungkod sa mukha ng bata; nguni't wala kahit tinig, o pakinig man. Kaya't siya'y bumalik na sinalubong siya, at nagsaysay sa kaniya, na nagsabi, ^(E)Ang bata'y hindi magising.