2 Mga Hari 4:41-43

Ang Biblia (1978)

⁴¹ Nguni't kaniyang sinabi, Magdala nga rito ng harina. ^(A)At kaniyang isinilid sa palayok; at kaniyang sinabi, Ibuhos ninyo para sa bayan, upang sila'y makakain. At wala nang makasasama sa palayok.

⁴² At dumating ang isang lalake na mula sa ^(B)Baal-salisa, at nagdala sa lalake ng Dios ng tinapay ng mga unang bunga, na dalawang pung tinapay na sebada, at ^(C)mga murang uhay ng trigo na nangasa kaniyang bayong. At kaniyang sinabi, ^(D)Ibigay mo sa bayan, upang kanilang makain.

⁴³ At sinabi ng kaniyang ^(E)lingkod: Ano, ilalapag ko ba ito sa harap ng isang daang tao? Nguni't kaniyang sinabi, Ibigay sa bayan upang kanilang makain; sapagka't ganito ang sabi ng Panginoon, Sila'y kakain, at magtitira niyaon.