2 Mga Hari 6:22-24

Ang Biblia (1978)

²² At siya'y sumagot. Huwag mong sasaktan sila; sasaktan mo ba ang iyong binihag ng iyong tabak at ng iyong busog? ^(A)maghain ka ng tinapay at tubig sa harap nila, upang kanilang makain at mainom, at magsiparoon sa kanilang panginoon.

²³ At ipinaghanda niya ng malaking pagkain sila: at nang sila'y makakain at makainom, kaniyang pinayaon sila, at sila'y nagsiparoon sa kanilang panginoon. At ang ^(B)pulutong ng Siria ay hindi na naparoon pa sa lupain ng Israel.

²⁴ At nangyari, pagkatapos nito, na pinisan ni ^(C)Ben-adad na hari sa Siria, ang buo niyang hukbo, at umahon, at kinubkob ang Samaria.