2 Mga Hari 8:14-16

Ang Biblia (1978)

¹⁴ Nang magkagayo'y nilisan niya si Eliseo, at naparoon sa kaniyang panginoon; na nagsabi sa kaniya, Ano ang sabi ni Eliseo sa iyo? At siya'y sumagot, Kaniyang sinaysay sa akin na ^(A)walang pagsalang ikaw ay gagaling.

¹⁵ At nangyari, nang kinabukasan, na kaniyang kinuha ang munting kumot at binasa sa tubig, at iniladlad sa kaniyang mukha, na anopa't siya'y namatay: at si Hazael ay naghari na kahalili niya.

Si Joram ay naghari.

¹⁶ At nang ikalimang taon ni ^(B)Joram na anak ni Achab na hari sa Israel, noong si ^(C)Josaphat ay hari sa Juda, ay nagpasimulang maghari si Joram na anak ni Josaphat na hari sa Juda.