2 Samuel 1:22-24

Ang Biblia, 2001

²² “Mula sa dugo ng pinatay,
    mula sa taba ng magiting,
ang busog ni Jonathan ay hindi umurong,
    ang tabak ni Saul ay hindi bumalik nang walang laman.

²³ “Sina Saul at Jonathan, minamahal at kaibig-ibig!
    Sa buhay at sa kamatayan ay hindi sila nagkahiwalay;
sila'y higit na maliliksi kaysa mga agila,
    sila'y higit na malalakas kaysa mga leon.

²⁴ “Kayong mga anak na babae ng Israel, iyakan ninyo si Saul,
    na sa inyo'y nagbihis ng matingkad na pula,
    na siyang naglagay ng palamuting ginto sa inyong mga kasuotan.