2 Samuel 11:12-14

Ang Salita ng Dios (Tagalog Contemporary Bible)

¹² Sinabi sa kanya ni David, “Manatili ka pa rito ng isang gabi, at bukas pababalikin na kita sa kampo.” Kaya nanatili pa si Uria sa Jerusalem ng araw na iyon. Kinabukasan, ¹³ inanyayahan siya ni David na kumain at uminom kasama niya. At nilasing siya ni David. Pero nang gabing iyon, hindi pa rin umuwi si Uria kundi roon ulit siya natulog kasama ng mga lingkod ng kanyang amo na si David.

¹⁴ Kinaumagahan, sumulat si David kay Joab at ipinadala niya ito kay Uria.