2 Samuel 17:24-26

Magandang Balita Biblia

Dumating si David sa Mahanaim

²⁴ Nasa Mahanaim na si David nang tumawid sa Jordan sina Absalom at mga kasamang Israelita. ²⁵ Sa halip na si Joab, si Amasa ang ginawa ni Absalom na pinuno ng buong hukbo. Si Amasa ay anak kay Abigail ni Itra, isang lalaking Ismaelita.^[a] Si Abigail naman ay anak ni Nahas, kapatid ni Zeruias na ina ni Joab. ²⁶ Ang mga Israelita at si Absalom ay nagkampo sa Gilead.