2 Samuel 21:15-17

Ang Salita ng Dios (Tagalog Contemporary Bible)

Ang Pakikidigma Laban sa mga Filisteo^(A)

¹⁵ Dumating ang panahon na muling naglaban ang mga Filisteo at mga Israelita. At nang nakikipaglaban na si David at ang mga tauhan niya, napagod siya. ¹⁶ Si Ishbi Benob na Filisteo na mula sa angkan ng mga Rafa,^[a] ay nagtangkang patayin si David. Tanso ang dulo ng sibat niya na tumitimbang ng mga apat na kilo, at may nakasukbit pa siyang bagong espada. ¹⁷ Pero dumating si Abishai na anak ni Zeruya para iligtas si David, at pinatay niya ang Filisteo. Pagkatapos nito, sinabi ng mga tauhan ni David sa kanya, “Hindi na po kami papayag na muli kayong sumama sa amin sa labanan. Tulad kayo ng ilaw sa Israel at ayaw naming mawala kayo.”