2 Samuel 22:5-7

Ang Biblia, 2001

⁵ “Sapagkat pumalibot sa akin ang mga alon ng kamatayan,
    dumaluhong sa akin ang mga agos ng kapahamakan,
⁶ ang mga panali ng Sheol ay nagkabuhul-buhol sa akin,
    ang mga silo ng kamatayan ay humarap sa akin.

⁷ “Tumawag ako sa Panginoon sa aking kagipitan,
    sa aking Diyos ako'y nanawagan.
Mula sa kanyang templo ay narinig niya ang aking tinig,
    at ang aking daing ay umabot sa kanyang mga pandinig.