2 Samuel 22:5-7

Magandang Balita Biblia (with Deuterocanon)

⁵ “Pinapalibutan ako ng alon ng kamatayan,
    tinutugis ako nitong agos ng kapahamakan.
⁶ Daigdig ng mga patay, ako'y pinupuluputan,
    patibong ng kamatayan, ang aking dinaraanan.

⁷ “Sa kagipitan ko, ako ay tumawag,
    ang Diyos na si Yahweh ay aking hinanap.
Mula sa templo niya ay kanyang dininig,
    ang aking pagsamo at ang aking hibik.